Duodji ealáhusšiehtadus

Sámediggi, Duojáriid Ealáhussearvi ja Sámiid Duodji šiehtadedje 2005:s váldošiehtadusa duodjái. Šiehtadus lea vuođđun jahkásaš šiehtadallamiidda ealáhusšiehtadusa hárrái, ja áigumuš lea ovddidit ealáhusa daid politihkalaš mihtuid mielde maid Sámediggi lea mearridan.

Sámedikki váldoáigumuš šiehtadusain lea ovddidit duoji ealáhussan iežaš buvttadan gálvvuid buoret gánnáhemiin ja stuorát jođuin.

Ovdalgo duojárat sáhttet oažžut juolluduvvot doaibmadoarjaga, de galget ohcat duodjeregistarii. Leat muhtin eavttut maid ferte deavdit ovdal beassá registarii. Lea fágalávdegoddi mas leat vihtta áirasa mat meannudit ja mearridit ohcamiid registara miellahttovuođa hárrái. Ekonomálaš lávdegottis leat golbma áirasa, ja sin bargu lea dahkat oktasaš čilgejumi ealáhusa ekonomálaš dili hárrái. Ekonomálaš lávdegoddi dahká jahkásaččat raportta duodjeealáhusa ekonomálaš dili birra.

Geahča váldošiehtadusa

Oza Sámedikki duodjeruđaid

Sámediggi ja duodjesearvvit šiehtadallet jahkásaš ealáhusšiehtadusaid. Duodjeealáhusšiehtadusa siskkobealde leat iešguhtet lágan ruhtaortnegat maid duojárat ja earát sáhttet ohcat.

Stipeanddat ja doarjagat Ohcanáigi Eanet dieđut
Hospiteren N/A
Duodjestipeanda 25.02.2020 https://www.samediggi.no/Doarjagat-ja-stipeanddat
Vuovdinovdánahttin doaimmat 15.03.2020 https://www.samediggi.no/Doarjagat-ja-stipeanddat
Ohcan duodjeregistarii 01.06.2019 https://www.samediggi.no/Doarjagat-ja-stipeanddat
Doaibmadoarjja 25.10.2019 https://www.samediggi.no/Doarjagat-ja-stipeanddat
Álggahanstipeanda Ii leat ohcan áigemearri
Čálgoortnegat Ii leat ohcan áigemearri https://www.samediggi.no/Doarjagat-ja-stipeanddat

Rapporttat

Leat ráhkaduvvon máŋga raportta duoji birra, sihke ekonomálaš, merkagálvvu, duodjedárkkistemiid, duodjeealáhusa analysa ja raporta duodjemearkka birra. Raporttaid sáhttá lástet vulos dán neahttasiiddus, ja ođđa raporttat bidjojit dađis dán siidui go ráhkaduvvojit.

Geahča ja láste vulos PDF (rahppo ođđa fána vuolde) Čálli(t) Almmustanjahki
Raporta: Duoji doaibmadoarjjaortnega analysa Consis Karasjok AS (Sámedikki ovddas) 2015
Raporta: Duoji doaibmadoarjjaortnega dárkkisteapmi Consis Karasjok AS (Sámedikki ovddas) 2014
Raporta: Duodjeealáhusa analysa Duojáriid Ealáhussearvi ja Sámiid duodji 2012
Raporta: Duoji doaibmadoarjjaortnega dárkkisteapmi Consis Karasjok AS (Sámedikki ovddas) 2012
Raporta: Duodjeealáhusa ekonomálaš dilli Sámi Ealáhus- ja guorahallanguovddáš 2011
Raporta: Mearkagálgoovdánattin duojáriidda Noodt & Reiding 2009